DILI, STLTIMORLESTE.com – Prezidente Republika (PR), Jose Ramos Horta too ona Vietnam atu partisipa Forum Futuru ASEAN 2025.
Prezidente Republika, Jose Ramos Horta ho delegasaun too ohin iha Aeroportu Internasional Noi Bai iha Vietnam, tuku 16:50 oras lokal.
Laureadu Nobel ba Pas bainhira too simu husi Visi Ministru Negosiu Estranjeiru Vietnam nian, Ngo Le Van, hamutuk ho Embaixador Timor Leste nian iha Republika Sosialista Vietnam, João Pereira.
Prezidente iha vizita servisu loron haat nian ba Vietnam hahu husi loron 24 too 27 Fevereiru hodi partisipa iha Forum Futuru ASEAN 2025, ho tema Harii ASEAN ida neebe Unidu, Inkluzivu no Reziliente iha Transformasaun Global sira nia leet.
Tuir komunikadu neebe STL asesu husi Media PR, Tersa nee (25/03/2025) katak, Forum nee halibur líder rejional sira hodi diskute dezafiu no oportunidade sira neebe bloku Sudeste Aziatiku hasoru iha era mudansa global nian.
Durante vizita, Prezidente Ramos Horta tuir planu sei halao enkontru bilateral altu nível ho lideransa Vietnamita, inklui Prezidente Luong Cuong no Sekretariu Jeral Partidu Komunista Vietnam To Lam.
Diskusaun sira nee ho objetivu atu hametin relasaun diplomatika entre Timor Leste no Vietnam, enkuantu avansa kooperasaun rejional no inisiativa dezenvolvimentu.
(eme)
