DILI, STLTIMORLESTE.com – Pre Eskolar Sagrada familia Vila Verde kestiona sala aprendizajen neebe too agora sei limitadu ba estudante sira.
Haktuir Koordenador Pre Eskolar Sagrada Familia Vila Verde, Cornelio A. Soares ba STL, Kinta nee (06/02/2025).
“Pre eskolar Sagrada Familia hamriik iha pasadu iha 2002, iha deit sala rua, mak sala kiik ida no sala boot ida, agora iha tinan barak komunidade mos aumenta, kada tinan matrikula labarik aumenta ami sempre mai too 10 resin ami la simu ida, ami nian sala mak seidauk sufisiente, ami husu atu aumenta sala ba ami nian estudantes, daudaun nee ami iha sala rua deit, nee seidauk sufisiente ba ami, too ohin loron ami seidauk halo pedidu ba ME, maibe husi infraestrutura mak mai haree,” nia dehan.
Iha parte seluk, Diretor EBC Manleuana, Carlos Correia hatete, kada tinan numeru estudante aumenta beibeik, no ba oin sira presiza atu aumenta sala aprendizajen ba estudantes sira, tanba nee sira halo ona pedidu ba ME hodi bele aumenta sala aprendizajen ba estudantes sira.
Iha fatin seluk, Diretor Diresaun Nasional Infraestrutura no Edukativu iha ME, Helio Lopes dehan, tanba nee prioridade hirak nee fazeadamente, moru talves ba tinan sira tuir mai, no agora konsentra ba fasilidade importante sira hanesan sala aula, haris fatin, instalasaun bee moos, sala profesor, iha kondisaun neebe minimu molok hakat ba konstrusaun moru.
(jac)
