DILI, STLTIMORLESTE.com – Prezidente Estadus Unidus Amerika, Donald Trump dada hikas Ajensia Internasional liu husi USAID nia apoiu ba nasaun estranjeiru inklui Timor Leste sei fo impaktu boot ba NGO Nasional no hasae numeru dezempregu iha rai laran.
Kestaun nee hatoo husi Visi Diretor HAK, Antonino de Limas ba jornalista sira iha nia knaar fatin Farol, Dili, Kinta (06/02/2025).
“Nee fo impaktu direita ba parseiru NGO Timor nian, se projetu nee hapara ka la lao nee sei hapara mos Timoroan sira neebe servisu iha Ajensia USAID rasik, nomos NGO sira neebe mak hetan apoiu ba parseria hodi implementa programa ka projetu neebe USAID apoiu, nee signifika katak, maluk Timoroan sira nee lakon servisu, sira lakon rendimentu, sira tenke buka servisu seluk, barak neebe mak lakon apoiu husi USAID nee mos sei aumenta numeru dezempregu aas ho desizaun PR Amerika nia kontribui mos numeru dezempregu iha Timor,” dehan Antonino.
Visi Diretor HAK nee hatutan, karik desizaun nee hapara mak sei fo impkatu ba trabalhador Timoroan neebe mak servisu iha USAID, nomos sira neebe halao knaar iha NGO neebe USAID rasik mak apoiu numeru, dezempregu sei aumenta.
Nia hatete, rona estegmentu husi Prezidente Republika, Jose Ramos Horta neebe mak hatete katak, Prezidente Amerika hapara apoiu liu husi USAID ba nasaun estranjeiru sira inklui Timor Leste, ida nee sei la fo impaktu ba nasaun, maibe impkatu ba NGO sira, ho ida nee visi dehan laos ba NGO deit, maibe afeita mos ba Estadu.
Nunee mos Peskizador AJAR, Inocencio Xavier hatutan, prosesu husi Governasaun ida ba governasaun ida sempre iha mudansa tuir nesesidade nasaun nian, no desizaun husi Prezidente Estadus Unidus Amerikan, Donald Trump nia karik nee benefisiu ba politiku ba agora daudaun, maibe husi nia politiku nee fo mos impkatu ba projetu sira neebe mak liga USAID nia programa, tanba liga ho kontratu ho nasaun barak atus ida resin nee konserteza Timoran sira neebe mak durante nee servisu iha USAID tenke lakon sira nia servisu, tanba Prezidente EUA nia politika, hein katak desizaun nee bele iha fali mudansa, nunee iha solusaun.
(eme)
