DILI, STLTIMORLESTE.com – Profesores foun nain rua (2) husi Ensinu Baziku Sentral (EBC – sigla português) Manleuana sei tuir formasaun lian Portugues iha Atabae.
Dehan Diretor EBC Manleuana, Carlos Correiaba STL iha nia knaar fatin Manleuana, Kuarta nee (04/12/2024).
“Ita nia profesores foin daudaun nee husi primeiru no segundu siklu tuir hela formasaun nee husi universidade mak mai fo formasaun ba sira, agora tuir fali mak ita nia profesores foin koloka foun nee atu tuir formasaun iha Rairobo Atabae, sei tuir formasaun kona-ba lingua no materia hotu-hotu nee sira sei hetan hotu formasaun ba ida nee,” dehan Carlos.
Carlos dehan, iha EBC Manleuana profesores foun nain rua (2) mak sei ba tuir formasaun iha Atabae, neebe mak tuir planu sei halao iha loron 8 fulan nee, profesores nain rua nee, ida ba lingua Inglesh no ida seluk ba lingua Portugues.
Lian portugues no tetum hanesan lian ofisial, tanba nee profesores sira tuir nafatin formasaun ba lian ida nee, hodi bele aumenta sira nian konhesimentu neebe diak liu iha futuru.
Iha fatin seluk, Diretor Edukasaun Munisipiu Manatuto, Patricio da Cruz Quintao dehan, formasaun lian portugues sira nee ladun, ikus liu mak tuir formasaun pro portugues nee, maibe nee mos fulan hira deit, nee duni difikuldade hanesan lian nee mak sai difikuldade.
(jac)
