DILI, STLTIMORLESTE.com – Kona-ba prosesu rekrutamentu ba membru Polisia Nasional Timor Leste (PNTL), daudaun nee komando PNTL sei hein despacho husi Governu.
Kestaun nee hatoo husi Segundu Komandante Komisaria Asistente Polisia, Natercia Martins ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Sesta (17/04/2026).
“Ida nee ami hein despacho husi Governu, depois mak ami sei ezekuta tanba ami sei hela despaicho hau sei labele fo komentariu, orsida hau nia komentariu nee bele sala tiha,” dehan Segundu komandante.
Aleinde nee Segundu komandante bele fundamentu tok asistente hira mak halo ona serbisu no hira mak seidauk halo serbisu hatan ba kestaun nee Segundu Komandante hatete ida nee komando hatoo ona iha nivel kompotente.
“Ida nee ami ba hatoo ona ba iha nivel kompetente sira haree sua exlensia ministru interior fo tempu mai ami semana rua para atu halo revizaun ga lei nee rasik pois hasae ba konselu ministru ita boot sira bele forma fali ida nee,” katak Segundu Komandante.
Nunee mos Komando Jeral PNTL, Komisariu Afonso do Santos hatutan, ohin mai aprezenta serbisu Polisia nasional Timor Leste nia ba Prezidente Republika Jose Ramos Horta.
“Ami nain mai aprezenta ba Prezidente la koalia barak ida Prezidente bolu atu halo serbisu balun hau hanoin mak nee sira seluk laiha,” dehan Komando Jeral.
Komandante Jeral PNTL hatete mai koalia assuntu sira liga ho assuntu serbisu PNTL nia. “Koalia konaba Serbisu polisia nia seluk laiha,” katak Prezidente Republika.
Karik liga ho osan falsu nee mak Prezidente Republika bolu atu koalia assuntu nee hatan ba kestaun nee Komisariu Jeral PNTL hatete la koalia asuntu nee. “Lae nee imi husu ba investigasaun kriminal mak bele hatene liu,” katak nia.
Oinsa ho prosesu investigasaun liga ho assuntu osan falsu nee? Hatan ba kestaun nee Komisariu hatete “hodiseik imi ba Investigasaun Kriminal koalia tiha ona los kalae? Hodibainrua koalia tiha ona hakarak tan koalia saida,” katak nia.
Oinsa PNTL buka tuir osan kaisa rua neebe espalha sai tiha ona hatan ba kestaun nee Komjer hatete nee parte investigasaun no intelejensia polisia haree hela assuntu sira nee hotu.
Nia hatutan, mai aprezenta situasaun seguransa enjeral ba Prezidente Republika Jose Ramos Horta, no lia menon neebe Prezidente hatoo ba Komjer ho Segundu Komjer nee sekretu, labele publika iha publika.
(eme/EST 1)
