DILI, STLTIMORLESTE.com – Profesores husi Ensinu Baziku Filial (EBF) Naroman tama ona idade reforma, maibe sira hein deit desizaun husi Ministeriu Edukasaun (ME).
Haktuir Olinda da Silva hanesan profesora husi EBF Naroman ba STL iha nia knaar fatin, Tersa nee (25/02/2025).
“Hau hanoin kona-ba reforma nee media fo sai ona iha publiku,. maibe too agora ami hein hela seidauk ida, agora atu tama ona ba 77 anos ona nee, maibe hau seidauk hatama karta rekerimentu ruma ba ME, nunee mos husi parte edukasaun mos seidauk mai halo identifikasaun iha ami nian eskola, ami idade ona nee, dala ruma ita nian kondisaun la permiti ita moras hela deit,” nia dehan.
Nia dehan, idade ona nee tama aula hanorin mak koalia barak halo ulun moras, maibe rona informasaun katak, bainhira reforma ona nee la hanesan ona, husik husi parte Ministeriu Edukasaun mak fo reforma, nee duni sira mos hein deit informasaun husi ME, la hatene bainhira mak fo informasaun reforma nian ba sira neebe tama idade reforma.
Iha sorin seluk, Diretor Nasional Rekursu Umanus husi ME, Joao Amaral dehan, dadus profesores idade reforma nian neebe ohin mensiona nee sira mak mai hatama direita iha ministeriu, nee bazeia ba sira nian rekerimentu, iha momentu neeba lei reforma obrigatoriu ba sira seidauk, entaun depende pesoal neebe ho situasaun kondisaun hakarak reforma, nee nia rasik halo pedidu rekerimentu, no rekomenda ba komisaun trata seguransa sosial hodi hasai desizaun reforma, tuir pedidu rekerimentu neebe sira nain hatoo mai Ministeriu.
Entretantu Diretor Edukasaun Munisipiu Likisa, Julio da Silva hatete, profesores 39 nee too agora seidauk hatama karta rekerimentu ruma ba ME, no sira halao knaar iha eskola lao hanesan baibain, halao aprendizajen ba estudante sira, numeru lista reforma profesores iha Likisa mak hamutuk 39.
(jac)
