Revizaun Lei Kontra Violensia Domestika

Sekretaria Estadu ba Igualdade (SEI), Elvina Sousa Carvalho. (Foto: STL/Emerenciana Pinto)

DILI, STLTIMORLESTE.com – Sekretariu Estadu Igualidade (SEI) hasoru malu ho Ministru Justisa (MJ), hodi koalia kona-ba oinsa halo revizaun ba iha lei violensia domestika.

“Hasoru Ministru Justisa atu koalia kona-ba revizaun lei kontra violensia domestika neebe nia implementasaun tinan 12 ona, revizaun ida nee importante, laos SEI mak hakarak halao revizaun, maibe nuudar vontade husi sosiedade,” dehan SEI, Elvina Souza Carvalho ba jornalista sira, iha salaun Ministeriu Justisa, Kinta (16/01/2025).

Nia hatutan, esbosu nee rasik hetan ona apresiasaun no mos konsultasaun hamutuk ho autor judisial sira, no mos rekomendasaun husi Parlamentu Nasional, liu-liu komisaun F no grupu feto PN.

Tanba tempu too ona atu halo revizaun ba lei kontra violensia domestika, no servisu hamutuk ho Ministeriu Justisa iha diskusaun neebe diak tebes, no sei akontese revizaun nee, tanba iha mos planu Ministeriu Justisa nian katak, sei iha revizaun kona-ba lei nee.

Iha fatin hanesan, Ministru Justisa, Sergio Hornai dehan, servisu hamutuk ho SEI hodi haree kona-ba lei estruturamente sira neebe kontribui ba ita nia lei aplikante sira.

“Servisu hamutuk ho Sekretariu Estadu ho nia ekipa atu haree kona-ba lei estruturamente sira neebe ita haree importante atu kontribui ba ita nia lei viajentes ka lei aplikante sira, lei violensia domestika kuaze dekade ida resin, hau hanoin ita presiza haree atu halo alterasaun balu iha artigu kapitulu ka seksaun ruma, neebe bele artikula atu hatan ba ita nia realidade sira,” dehan governante nee.

(ter)

Share it :

Leave a Reply

Your email address will not be published. Required fields are marked *