Sai Deputadu Laos Buka Moris Vida Pesoal Ho Pensaun Vitalisia

Plenaria Parlamentu Nasional. (Foto: Media PN)

DILI, STLTIMORLESTE.com – Sai deputadu no deputada nee aktu politiku reprezenta povu, laos aproveita hodi buka moris fali ba vida pesoal ho pensaun vitalisia.

Kestaun nee hatoo husi peskizador AJAR, Inocencio de Jesus Xavier ba jornalista sira iha nia knaar fatin, Farol, Dili Segunda (20/01/2025).

“Ba kaer pasta deputadu nee laos atu buka moris fali vida pesoal, ita nuudar orgaun krujial orgaun neebe reprezenta povu, ita nia importansia halo politika hotu-hotu nee ba povu jeral nia moris diak, laos atu ba garante fali sira nain 65 nia vida katak, sai deputadu mandatu remata simu pensaun vitalisia, estadu nee laos sira nia kompanhia, fundasaun ida ka asosiasaun ida neebe sira forma depois ikus riku soin fahe ba malu, lae, maibe nee estadu asosiadu povu nia, sira nee ausiliar do povu no reprezenta povu atu halo politika publiku ba estadu,” katak nia.

Peskizador AJAR nee hatutan, bainhira sira nia mandatu hotu ona estadu entrega ba sira liu husi eleisaun ba partidu hodi fo poder ba sira hodi halo politika ba tinan 5 nee ba povu nia moris diak, laos garante fali bainhira mandatu tinan 5 hotu ona nafatin simu osan.

“Sira nee ignorasia sira laiha integridade politika materia pensaun vitalisia no karreta prado no karreta Luxu nee sai sira nia kampanha politika ba partidu hotu-hotu, dehan tama ba Parlamentu Nasional ajenda pensaun vitalisia nee sai ajenda prioridade ba sira, maibe saida mak akontese, tama iha Parlamentu Nasional sira halo fali buat seluk, ignora tiha saida mak kompromisu eleitoral neebe hatete iha kampanha eleitoral, ida nee ita kestiona,” dehan nia.

Nia hatete, ema neebe iha integridade politika mak ema neebe koalia halo tuir saida mak nia promete, ema neebe laiha integridade politika mak ohin hatete ida aban hatete seluk, ida nee politika bosok ten.

Nunee mos Diretor HAK, Feliciano da Costa Aroujo hatutan, nee estetmentu esperesaun liberdade sai reprezenta povu nee honestu deit, la obriga ema ida. Maibe povu nee hili laos hili ema pesoal, maibe hili partidu, tanba nee mak atu sai ka la sai nee partidu mak iha kompetensia delega fila fali povu hili partidu.

Partidu hili ema pesoal ida ba tuur deputada maibe laiha nesesidade ba pesaun vitalisia mak ema nee lakohi nee mos ema nia direitu, maibe labele jeneraliza ema hotu lakohi sai deputadu no deputada.

(eme)

Share it :

Leave a Reply

Your email address will not be published. Required fields are marked *