DILI, STLTIMORLESTE.com – Prezidente Republika (PR) Jose Ramos Horta Presta omenajen ba saudozu eis Prezidente Republika Francisco Guterres Lu Olo iha Palasiu Prezidensial.
Tuir observasaun neebe STL hetan iha Palasiu Prezidensial Nicolau Lobato, Sesta nee (26/06/2026) antes saudozu Francisco Guterres Lu Olo nia isin mate too iha portaun palasiu simu ho guarda de ondra husi militar sira.
Tuir observasaun neebe iha bainhira saudozu nia isin mate too iha pontu entrada Palasiu Prezidensial simu husi moradores no corneta funebre, akompanha ho muzika de homenagen, mate mohu husi Lahane Group nia, aleinde nee Prezidente Republika komprimenta ikus no presta omenajen ba Saudozu.
Remata prezidente hatoo um minutu silensiu ba eroi sira inklui Saudozu Lu Olo neebe luta ba rai nee ba hetan ukun rasik aan, remata akompanha ho muzika Patria Patria nomos muzika despedida.
Mezmu nunee, iha palasiu Prezidensial oin nakonu ho funsionariu Palasiu, estudante inklui mos povu hamriik iha estrada palasiu oin.
Remata presta omenajen, Prezidente Republika hamutuk ho família no entidade oin oin lori Saudozu Lu Olo ba Katedral hodi selebra misa requem antes ba halot iha Semiteriu Herois da Patria Metinaro.
(eme)
