DILI, STLTIMORLESTE.com – Sekretariu Estadu Formasaun Profisional no Empregu (SEFOPE) despedida trabalhador Timor oan hamutuk nain 135 ba servisu Australia.
Iha serimonia despedida nee partisipa husi Prezidente Republika José Ramos Horta, Sekretáriu Estadu Arte no Kultura (SEAK), Jorge Soares Cristovao, Deputy Embaixador Australia, Edward Wilkinson no repzentante husi MNEK.
“Hatoo benvindu ba neebe PR hola parte ho SEFOPE hodi realiza serimonia despedida trabalhador ba servisu iha Australia ho total nain 135, SEFOPE sente kontente tebes priviléjiu no onra boot ida depois simu mandatu tinan tolu ohin PR bele hamutuk ho ita iha fatin nee hodi akompanha programa mobilidade laboral ba Australia nia,” hatete Sekretáriu Estadu Formasaun Profesional no Empregu (SEFOPE), Rogerio Araujo Mendonca Liu husi nia diskursu iha ambitu despedida trabalhador nain 135 iha Hotel Palm, Kampu Alor Kuarta (08/07/2026).
Nia dehan, programa mobilidade laboral ba Australia hahú iha tinan 2012 too mai ohin, ho trabalhor nain 135 agora nee no total trabalhador neebe mak servisu iha Australia total 25.376.
Serimonia ba despedida ba trabalhador sira nee hahú husi 2009 ho Korea hahú husi 2012 ho Australia, 2023 ho Japaun, 2025 ho Nova Zelandia.
Objetivu mak atu bele estabelese akordu parte trabalhador, familia trabalhador no governu ida nee importante tebes.
“Tanba ita haree katak trabalhadores neebe sai servisu iha liur, Ita presiza fo mos motivasaun, presiza mos fo orientasaun atu nunee halao sira nia misaun iha Australia, Korea, Japaun, Nova Zelandia tenke tuir duni kontratu prosedimentu parte estadu TL estabelese mos ho ita nia nasaun sira neebe mak halo ona kooperasaun,” hatete nian.
Nia haktuir, fo konhesimentu no obrigasaun hanesan trabalhador migrante atu bele servisu tuir lei no fo protesaun ba direitu trabalhador idak-idak ninian hasae mos abilidade kompetensia atu bele servisu ho profisional hodi koresponde duni ba iha empregador sira nia hakarak fo mos informasaun kona ba lei no regulamentu neebé mak lei traballo iha duni .
Timor iha lei trabalhu, signifika iha nasaun seluk neebe trabalhador ba servisu, sira mos kumpri simu trabalhador nee tenke kumpri mos sira nia lei.
Nia relata, lei neebé iha parte governu rua nee iha ona akordu konkordansia atu bele trata trabalhador Timor oan sira servisu iha liur, trata ho dignu tuir duni ita nia lei neebe iha.
Oinsa haree prevensaun ba trabalhador dala barak iha Timor diak ida, tanba governu mak sei regula hela konaba umilidade laboral, maibe iha nasaun seluk haree kompanhia mak sai hanesan ajensia hodi haruka trabalhadores servisu iha rai liur, tanba nee ho sorumutu nee importante tebes asegura katak trabalhadores neebe servisu iha rai liur servisu duni tuir kontratu neebe mak iha.
Programa mobilidade laboral iha Australia hahú husi tinan 2012 too 2026 ita iha traballadores 25,376 husi total nee mai husi ajensia 50 ho toos nain 398 neebe mak halo rekrutamentu ba ita nia traballadores sira nee Ida nee mak dadus provizioriu neebe iha.
Nia dehan, Programa mobilidade laboral iha Australia hahú husi tinan 2012 too 2026 ita iha traballadores 25,376 husi total nee mai husi ajensia 50 ho toos nain 398 neebe mak halo rekrutamentu ba ita nia traballadores sira nee Ida nee mak dadus provizioriu neebe iha.
Nia dehan, ba traballador sira neebe oin iha fatin nee 135 sira ba servisu iha kompania 10 neebe mak simu sira balun nain 20 balun nain 10 husi kompania 10 nee mak 135 ohin halao sira nia asina akordu iha fatin nee.
Traballadores neebe servisu iha Australia liu-liu Plam nee parte TL prensia ba iha igualidade jeneru Ita mak prensia primeiru lugal iha Asia Pasifik 10 nee ita mak prensia primeiru lugal nee hatete envolvimentu feto sira iha programa palm nee Timor haruka duni feto iha programa nee hodi responde duni nesesidade merkadu.
Iha fatin hanesan, Trabalhador Carlos Pereira hatete, sente kontente bele hetan oportunidade husi governu bele ba servisu iha Australia, tanba nuudar Timor oan oportunidade neebé iha oinsa bele aproveita didiak ba servisu iha Australia ho disiplina tuir regras neebe kompania iha hodi halao servisu, basa loron Timor nia naran mak servisu laos privadu.
(joa)
