DILI, STLTIMORLESTE.com – Servisu Edukasaun Munisipiu (SEM) Ainaro sempre halo servisu ho funsionariu sira ho responsabilidade.
Lia hirak nee hatoo husi Diretor Servisu Edukasaun Munisipiu Ainaro, Patricio da Costa Magno ba STL liu husi telefone, Domingu (16/02/2025).
Nia dehan, ho servisu neebe mak todan, maibe halo servisu nee ho responsabilidade too remata. Tanba sira nian linha koordenasaun ho funsionariu lao diak tebes. Nee depende ba servisu neebe iha edukasaun, hotu-hotu kumpri halo hotu servisu.
“Ho servisu neebe mak todan, maibe ami halo servisu nee lao ho responsabilidade too remata, ami nian linha koordenasaun ho funsionariu lao diak tebes, nee depende ba servisu neebe iha edukasaun, hotu-hotu kumpri halo hotu servisu ajuda diretor, tanba iha neeba iha edukasaun nee ami iha xefe departamentu rua, ida jestaun ba edukasaun no ida ba parte eskolar ninia, neebe ami nian servisu lao hanesan baibain,” dehan Patricio.
Nia dehan, kona-ba kargu xefa sira, tanba ema nee la ses husi sala, balu kumpri no balu ida rua la kumpri, maibe nee koko atu bolu sira enkontru hodi fo hanoin nafatin ba sira, atu nunee sira bele halao sira nian servisu ho masimu, responsabilidade, ho nunee bele hetan edukasaun neebe ho kualidade tuir ema hotu nian hakarak.
(jac)
