DILI, STLTIMORLESTE.com – Servisu Edukasaun Munisipiu (SEM) Ainaro too agora seidauk simu relatoriu husi eskola sira, liga ba eskola neebe hetan estragus husi udan no anin.
Lia hirak nee hatoo husi Diretor Servisu Edukasaun Munisipiu Ainaro, Patricio da Costa Magno ba STL liu husi telefone, Segunda nee (02/12/2024).
“Liga ba udan boot nee, too ohin loron ami seidauk simu informasaun ruma ou relatoriu ruma mai husi ita nian eskola, karik laiha informasaun, entaun ita nian eskola sira mos la hetan estragus husi udan no anin, tanba agora daudaun hau hamutuk ho ita nian Diretor no Koordenador sira hahu husi pre eskolar too sekundariu, ami hamutuk iha nee atu halao enkontru, maibe sira seidauk pasa informasaun ba asuntu ita nian eskola neebe hetan estragus,” nia deklara.
Patricio hatutan, nee duni Ainaro laiha defikuldades neebe eskola sira hasoru, kuandu iha akontesimentu ruma katak eskola hetan estragus husi udan, nee direjente eskola sira pasa informasaun mai edukasaun munisipal.
(jac)
