KOVALIMA, STLTIMORLESTE.com – Hahu husi Janeiru too Dezembru 2024, Sentru Saúde Tilomar rejistu inan isin rua hamutuk 176.
“Ami iha sala maternidade Sentru Saude Tilomar rejistu inan isin rua hamutuk 176, nee hahu husi Janeiru too mai agora,” hatete Parteira Beatriz Nunes ba jornalista sira iha Sentru Saude Tilomar, Segunda (09/12/2024).
Nia esplika, kada fulan sira sempre fo partus ba inan isin rua nain 10, maibe inan neebe partus iha komplikasaun, no moras sira nee sempre transfere ba Hospital Nasional Guido Valadares (HNGV).
“Kuandu ita haree inan isin rua mak moras komplikadu, nee ami evakua lalais ba HNGV, tanba nee Sentru Saude nee la rejistu inan no bebe mate. Tanba iha nee partus normal no bebe mos kondisaun diak hotu,” nia esplika.
Nudar Parteira nomos nuudar inan tenke fo atendimentu ba inan isin rua sira ho fuan, tanba tenke servisu ho profesionalizmu hodi atende ba povu no nasaun ida nee.
(jen)
