Setor Agrikultura Substitui Fundu Minarai

Komunidade agrikultor kuda haree. (Foto: Espesial)

DILI, STLTIMORLESTE.com – Akademista Judite Dias Ximenes hatete, fundu minarai nee loron ida sei hotu no ida neebe mak substitui fundu minarai mak setor agrikultura, tanba nee Governu presiza tau atensaun iha setor agrikultura.

“Fundu Minarai loron ida sei hotu, no ida neebe mak sei garante ekonomia mak setor agrikultura, tanba nee mak Governu presiza promove setor agrikultura liu husi hasae produsaun rai laran, nunee labele sosa beibeik hahan importadu sira,” dehan Akademista Judite ba STL, iha nia knaar fatin Kaikoli, Dili, Segunda (03/02/2025).

Nia dehan, Timor Leste iha area produtivu barak, tanba nee mak presiza dezenvolve, no presiza mos fo apoiu ba setor agrikultura sira liu husi hadia irigasaun sira, nunee povu sira bele kontinua halo toos no natar hodi bele hasae ai-haan rai laran no redus hahan neebe mai husi rai seluk.

Nunee mos Visi Diretor HAK, Antonino de Limas hatutan, dezde ukun aan tesik mai koalia ona atu dezenvolve setor agrikultura no tau prioridade neebe lo-loos, maibe seidauk implementa ho diak, maibe Primeiru Ministru dehan ona ida nee presiza implementa.

Joven bele halo toos maibe kondisaun saida Governu iha politika ba setor agrikultura mak saida oinsa ho irigasaun, tanba durante nee irigasaun barak aat, natar lubuk abandona.

Nunee mos Peskizador AJAR, Inocencio de Jesus Xavier hatete, Governu presiza dezenvolve setor agrikultura, tanba setor nee mak sei substitui ba fundu minarai bainhira maran.

(eme)

Share it :

Leave a Reply

Your email address will not be published. Required fields are marked *