Submete Relatoriu Konsesaun Ba ME

Ilustrasaun (Foto: Espesial)

DILI, STLTIMORLESTE.com – Ensinu Baziku Sentral (EBC – sigla português) Manleuana submete relatoriu konsesaun eskolar ba Ministeriu Edukasaun (ME), liu husi Edukasaun Munisipiu Dili.

Lia hirak nee hatoo husi Diretor EBC Manleuana, Carlos Correia ba STL iha nia knaar fatin Manleuana, Dili, Segunda nee (20/01/2025).

“Ami sei hein semester um ho dois, tanba um nian nee ami utiliza hotu ona, agora tama fali ba semester dois, nee duni agora daudaun ami prepara hela relatoriu, para submete ba iha edukasaun Munisipal Dili, osan nee mai kompras hotu tiha, tanba bazeia ba planu neebe mak ami prepara ona husi planu anual ninia,” katak nia.

Nia dehan, dadus husi filial sira mos mai hotu ona iha nee, tanba sei falta buat balu seidauk loos nee mak sira hadia nesesidade eskola ninian, nee duni bainhira hatama tiha relatoriu, depois hatama hikas dadus estudante, para bele hetan fali konsesaun eskolar ba 2025 ninia, tanba relatoriu neebe daudaun atu submete nee ba 2024.

Nia hatutan, hetan konsesaun eskolar nee depende ba numeru estudates husi eskola idak-idak, tanba nee ohin lori relatoriu nee ba iha Edukasaun Munisipiu.

(jac)

Share it :

Leave a Reply

Your email address will not be published. Required fields are marked *