DILI, STLTIMORLESTE.com – Durante tinan 12 halao operasaun no servi ho domin, Telkomcel sai nuudar unidade ida iha prosesu transformasaun dijital Timor Leste. Agora hamutuk ho Primeiru Ministru, Xanana Gusmão, Telkomcel reafirma nia komitmentu hola parte iha programa governu hodi haforsa papel sosial no aselera transformasaun dijital Inkluzivu.
Tuir Benedictus Ardiyanto Priyo, nuudar CEO Telkomcel liu husi Komunikadu Neebe STL asesu husi Media Telkomcel, Sesta (14/02/2025) hatete, Telkomcel eziste iha Timor Leste ba dala 12 ona, agora iha komitmentu hola parte iha programa Governu hodi haforsa programa Governu.
“Obrigadu ba fiar neebe hatoo husi povu no Governu Timor Leste durante tinan 12. Ami sente orgulhu bele hola parte nuudar partner estratejiku hodi partisipa iha dezenvolvementu Timor Leste, espesialmente iha aselerasaun transformasaun dijital neebe fo impaktu pozitivu ba komunidade,” haktuir CEOTekomcel, Benedictus Ardiyanto Priyo.
Nia dehan, hanesan prova husi komitmentu, Telkomcel kontinua halo investimentu adisional neebe konsideravel, espesialmente durante tinan tolu ikus nee neebe relasionadu ho modernizasaun infraestrutura telekomunikasaun no dijitalizasaun. Ida nee laos deit melhora kualidade servisu, maibe mos torna fundasaun forte atu realiza visaun Governu Timor Leste dezenvolve ekonomia dijital neebe kompetetivu no hatudu seriedade Telekomunikasi Indonezia International S.A iha prosesu dezenvolvementu ida nee.
Telkomcel fiar katak futuru Timor Leste iha Timoroan sira nia liman, tanba bee 95% funsionariu Telkomcel mai husi jerasaun joven Timor Leste ho maioria iha idade 20 – 35.
Pozisaun jestor nian mos okupa 75% husi talente di’ak sira. Ho orgulhu liu tan, liu husi 50% sira nuudar feto, reflete komitmentu Telkomcel ba igualdade jeneru no empoderamentu feto.
Telkomcel mos fo atensaun ba dezenvolvimentu talente lokal hodi fo bolsa estudu no programa dezenvolvimentu lideransa ba funsionariu sira atu kontinua edukasaun sira ba nivel lisensiatura no mestradu. Husi kolaborasaun ho Telkom University (Tel-U) Estudante selesianadu iha Timor Leste mos iha oportunidade atu estuda iha liur ho aprendizajen padraun internasional, total 6 empregadu Telkomcel nian neebe predikadu nudar “Best Employee” husi Telin HQ Jakarta no ba estuda iha 7 universidade di’ak liu iha mundu, hanesan Harvard, Stanford, Wharton & MIT.
Habelar impaktu sosial no halo ambiente servisu neebe inkluzivu, Telkomcel la konsentra deit iha dezenvolvimentu profisional, maibe fo mos atensaun ba bem-estar olístiku funsionariu sira. Hanesan empreza telekomunikasaun, Telkomcel kontinua komitida atu bele fo impaktu sosial ba komunidade, husi nee valor importante impaktu sosial aumenta hanesan referensia iha atividade internas no externas empresa.
Programa viajen servisu espiritual no inisiativa atu halo Uma Domin – Go Shine mak evidensia klaru ba komitimentu Telkomcel. Ho espirito FamiliaUnidade, Telkomcel komitida atu kria ambiente traballu inklusivu, harmoniu, no suportivu.
“Ami iha konfiansa katak ho kolaborasaun entre governu, seitor privadu, no komunidade, Timor Leste sei torna exemplo suksesu ba transformasaun dijital neebe prioritiza inklusividade no sustentabilidade,” hateten CEO Telkomcel, Benedictus Ardi.
Ho entuziasmu forte no komitmentu neebe metin, Telkomcel prontu atu kontinua nia papel hanesan parseiru konfiavel ida dezenvolve futuru neebe nabilan ba Timor-Leste.
(eme)
