DILI, STLTIMORLESTE.com – Timor Leste hetan Fundus husi Fundu Global ho total milhaun US$ 2,876,903 uza ba kontrola moras oin tolu hanesan moras HIV-SIDA, Tuberkuloze no Malária.
Visi Ministru ba Fortalesimentu Instituisional Saúde (VMFIS), José dos Reis Magno dehan, Timor Leste hetan fundu husi Fundu Global ba dala uluk ninian ho valor US$ 2,876,903 ba kontrolu moras oin tolu hanesan Moras HIV-SIDA, Tuberkuloze no moras malaria.
“Timor Leste durante nee hetan apoiu makaas husi Fundu Global ho orsamentu neebe mak boot, atu oinsa bele hodi halo kontrolu ba moras oin tolu mak hanesan HIV, TB no Malaria, maske nunee mos ita nafatin halo avaliasaun ba progresu no dezefius ba implementasaun programas, no diskuti kona-ba estratéjías neebe mak viavel – em espesial halo atualizasaun ba planu estratejiku nasional hodi hakotu moras TB, HIV Malaria iha Timor Leste,” hatete VMFIS, José dos Reis Magno ba jornalista sira iha aniversariu globál Fund ba dala 20, iha Palasiu Presidente Aitarak-Laran, Dili, Tersa (03/12/2024).
Nia esplika, iha tinan 2020 too 2021 Timor Leste afeita hela ba Covid-19, ikus atendimentu ba moras TB barak paradu la ba halo tratamentu, tanba nee governu Timor Leste sei servisu makaas husi kombate moras sira ne’e iha komunidade nia leet.
Iha fatin hanesan, Prezidente Global Fund, Felipe da Costa informa, Global Fund iha Timor Leste kuaze tinan 22 nia laran hamutuk ho governu implementa ona programa hodi kombate moras tolu iha Timor Leste.
Timor Leste sei nafatin halo esforsu oinsa atu bele kompate moras oin tolu nee hodi nunee bele hetan sertifikasaun.
(jen)
