DILI, STLTIMORLESTE.com – Universidade laos fatin atu hanorin lingua ba estudante sira, maibe transforma siensia no konhesimentu ba estudante sira.
Asuntu nee hatoo husi, Dosente husi Universidade Dili (UNDIL), Felipe da Silva ba STL, Kinta nee (16/01/2015).
“Klaru iha ita nian konstituisaun deklara katak, ita nian lian ofisial mak tetum ho portugues, no lian trabalhu mak lian english, Indonezia no tetum, ba universidade laos fatin para atu hanorin lingua, maibe ba deit departamentu neebe lingua ninia nee klaru, maibe kuandu universidade maioria ho departamentu oin-oin, nee duni universidade laos atu hanorin lingua, tanba universidade nee hanorin no transforma siensia teknolojia no konhesimentu ba ita nian estudante sira,” nia esplika.
Felipe hatutan, meus neebe mak uza lingua neebe fasil, hodi transforma siensia no konhesimentu ba estusante sira, no realidade neebe mak daudaun nee iha, estudante sira mos la domina lingua portugues, tanba lingua nee atu fasilita estudante sira.
Iha parte seluk, Reitor ISC, Sebastiao Perreira dehan, lian ofisial mak tetum no portugues, nee duni oinsa mak atu promove lian ida nee, tanba dosente sira mos tuir formasaun ba lian portugues hodi bele aumenta sira nian konhesimentu.
(jac)
