DILI, STLTIMORLESTE.com – Bolsa kandidatu profesores neebe ho valor 60 too 65 labele ansi, tanba atu koloka sira sei hein despaisu ministerial.
Kestaun nee hatoo husi Diretora Rekursu Umanu iha Ministeriu Edukasaun (ME), Anita Tavares Ribeiro de Jesus ba STL, Kinta nee (05/12/2024).
“Desizaun husi Ministeriu seidauk fo sai nee hau labele koalia, tanba ita tenke bazeia ba dokumentus ruma. Sira hein deit, tanba bolsa nee bele too tinan tolu, neebe sira labele ansi, tanba nee sira tama ona iha bolsa. Nee duni desizaun seidauk fo sai, hau labele koalia uluk desizaun,” nia afirma.
Tuir Anita, desizaun nee kuandu atu koloka, tenke iha despaisu ministerial, naran katak sira iha ona bolsu nee, hein deit.
Nia hatutan, nee duni husu sira hein deit, tanba ninia natureza bolsa mak hanesan nee, neebe atu koloka nee hein despaisu deit.
(jac)
