DILI, STLTIMORLESTE.com – WFP no ofisial Governu hasoru malu ho Prezidente Republika (PR) José Ramos Horta diskute inisiativa Seguransa Alimentar.
Iha loron Kinta kalan (30/01/2025) Prezidente Republika, José Ramos Horta Hasoru malu ho reprezentante Programa Ai-haan Mundial (PAM), Jacqueline de Groot no ofisial Governu nian ohin iha Palasiu Prezidensial hodi koalia kona-ba seguransa ai-haan, nutrisaun no sosial programa protesaun iha rai laran.
Durante enkontru, diskusaun sira sentra iha avansu esforsu kolaborativu entre WFP no Governu Timor hodi hametin enkuadramentu seguransa ai-haan no protesaun sosial nasaun nian.
Delegasaun aprezenta programa potensial sira iha futuru, neebe ho objetivu atu hasae setor vital sira nee.
Iha biba nee, reprezentante nasaun WFP, Jacqueline de Groot, bainhira remata enkontru hatete, hasoru malu ho Prezidente Republika José Ramos Horta iha diskusaun neebe diak foka ba seguransa ai-haan no nutrisaun.
“Ami iha diskusaun diak ida kona-ba topiku ida nee ” dehan Reprezentante nasaun WFP nian, Jacqueline de Groot, hafoin remata enkontru.
Nia subliba katak, dialogu nee foka ba esplorasaun oportunidade ba parseria iha inisiativa protesaun sosial, neebe reflete kompromisu kompartilhadu husi WFP no Governu atu hadia sidadaun Timoroan sira nia moris diak.
(eme)