DILI, STLTIMORLESTE.com – Prezidente Republika (PR), José Ramos Horta sai orador prinsipal iha forum Internasional GLDI iha Malazia.
Prezidente Republika Jose Ramos Horta akompanha husi delegasaun ofisial ida too iha Aeroportu Internasional Kuala Lumpur, iha tuku 16:30 loraik. Wainhira too ekipa simu diretamente husi Embaixadór Timor Leste ba Malazia, Lisualdo Gaspar, hafoin tuir kedas ho delegasaun sira diretamente ba Hotel St. Regis Kuala Lumpur.
Xefe Estadu partisipa iha forum internasional Global Leadership & Dialogue Initiative (GLDI), neebe akontese iha kapital Malazia nian.
Tuir Komunikadu neebe STL asesu kinta 19/06/2025 hatete Partisipasaun Prezidente Ramos-Horta nian iha forum nee reprezenta kompromisu kontinuasaun ho promosaun ba pas, justisa sosisl no etika lideransa nian iha nivel mundial.
Prezidente Ramos-Horta sai orador prinsipal, neebe sei koalia kona-ba esperiensia hosi Timor Leste nian no perspetiva ba lideransa humanista no dialogu internasional konstrutivu.
Eventu nee inklui mos lansamentu ba livru “Anwar Ibrahim Justisa Global no Dame Liu husi Dialogu hosi Yusmadi Yusoff, neebe hanesan mos Prezidente ba Fundasaun RIGHTS. Sesaun nee konta ho partisipasaun husi figura publiku no polítiku proeminente sira, inklui Dato Seri Dr. Wan Azizah Wan Ismail, eis Vise Primeiru Ministru Malwzia nian, atual Membru Parlamentu Malazia nian no kaben husi Primeiru-Ministru Malazia nian.
Programa nee inklui mos Jantar ofisial Konfraternizasaun ho Primeiru Ministru Malazia, Dato Seri Anwar Ibrahim. Malazia nuudar Parseiru estratejiku iha kontestu ASEAN nian no apoiante ida ba tempu naruk iha perkursu dezenvolvimentu Timor Leste nian.
(eme)
