DILI, STLTIMORLESTE.com – Ohin Cruz Joven Internasional no Icon Maria Salus Popoli Romani sai husi Se Katedral Dili ba Aeroportu Internasional Nicolau Lobato Komoro, viagen ba Dioseze Maliana.
Cruz Joven Internasional no Icon Maria Salus Popoli Romani iha Katedral Dili Durante loron rua, sarani Grupu kategorias relijiozu no relijioza halo venerasaun cruz, nomos iha selebrasaun misa espozisaun. Nunee iha loron 25 Agostu 2025 selebrasaun misa Cruz Joven Internasional no Icon Maria Salus Popoli Romani misa hahu tuku 06.30 dader, prezide husi Amu Paulos Maia, akompanha husi Padre Francisco Indra do Nascimento Tey Seran, Padre Ludgerio depois de misa Arsebispu Arkedioseze Metropolitana Dili, Dom Virgilio Cardeal do Carmo da Silva, SDB diriji orasaun remata ekipa Sinodal preparasaun lori Cruz Joven Internasional no Icon Maria Salus Popoli Romani akompanha ho kanta hodi tau kareta lori ba iha Aeroportu Internasional Nicolau Lobato Komoro viajen ba Dioseze Maliana.
Antes viajen iha minutu balun ikus sarani sira hakbesik ba Cruz no Ilas Nain Feto hodi reza, balun hamonu ho mata been, basa prezensa Cruz Joven Internasional no ilas Nain Feto iha Se Katedral nee lori grasa no bensaun.
Cruz Joven Internasional no Icon Maria Salus Popoli Romani sai husi Se Katedral Dili ho oras 08.20 dader nee, hetan seguransa masimu husi PNTL nomos THS THM.
Wainhira Cruz Joven Internasional no Icon Maria Salus Popoli Romani husik hela Se Katedral, sarani sira hiit liman rein ho mata been boa viajen Cruz Joven no Nain Feto.
Tuir orariu iha loron 25 Agostu 2025, Cruz Joven Internasional viajen ba Pro Katedral Maliana, iha loron 26 Agostu 2025 Cruz Joven Internasional viajen husi Igreja Pro Katedral Maliana ba Parokia Bobonaro.
Iha loron 27-28 Agostu 2025 Cruz Joven Internasional Hela iha Parokia Bobonaro, iha loron 29 Agostu 2025 Cruz Joven Internasional viajen husi Parokia Bobonaro fila mai Dili, Cruz Joven ba liu Parokia Remexiu, iha loron 30 Agostu 2025 misa ensera Cruz Joven Internasional iha Katedral Dili neebe prezide husi Arsebispu Arkedioseze Metropolitana Dili, Dom Virgilio Cardeal do Carmo da Silva, SDB depois misa Cruz Joven Internasional no Icon Maria Salus Popoli Romani sei Fila hikas ba Tailandia.
(joa)
