DILI, STLTIMORLESTE.com – Rede Feto Timor Leste (RFTL) kontinua enkoraja feto sira atu asumi kargu sira neebe importante, tanba lei garante ema hotu nia direitu hanesan foti desizaun no seluk tan.
Kestaun nee hatoo husi Prezidente Ezekutivu RFTL, Zelia Fernandes ba jornalista iha Balide, Segunda (25/08/2025).
Nia hatete, feto nia partisipasaun iha Parlamentu Nasional atinji ona 38%, maibe iha Governu nomos autoridade Munisipal sei menus tebes, tanba nee Rede feto kontinua enkora feto hotu asume kargu importante hotu.
“Rede Feto nafatin enkoraja ita halo advokasia ba feto maluk sira neebe tuur assume kargu, liu-liu laos kargu Ministra sira foti desizaun nia maibe kargu diresaun sira. Frto sira nuudar Xefia iha instituisaun ida nee importante atu sira bele asegura katak abordajen integradu jeneru akontese sira nia fatin, bainhira sira assume ona kargu Xefia iha Diresaun sira ka instuisaun idak-idak, ita tenke azerse no hatudu ita nia kapasidade. Nee oportunidade hatudu kapasidade no responsabilidade oinsa mak jere instituisaun ida labele tauk, tanba ita laos servisu mesak maibe servisu ekipa ida nee sai forsa ida neebe mak labele sente katak ita feto laiha konhesimentu ita laiha kapasidade,” dehan nia.
Nia afirma, feto labele hanoin katak laiha konhesimentu no kapasidade, maibe tenke hanoin katak oportunidade kuandu fo ona tenke esforsu oinsa bele jere situasaun sira nee, liu-liu kontribui foti desizaun neebe responsavel.
Nunee mos Deputada Bankada FRETILIN, Lidia Norberta dos Santos Martins husu feto sira nafatin esforsu aan ho matenek neebe iha, hodi kontribui ba prosesu kontrusaun estadu.
“Ita bele partidu ketak ketak maibe presiza apoiu malu, tanba nee mak dala barak hau tun ba kraik hau mos koalia ida nee partidu bele ketak ketak maibe konaba assuntu feto ita tenke apoiu malu, mais mak nee feto neebe maki ha kapasidade ita tenke rekoinese katak nia iha kapasidade feto neebe mak laiha kapasidade tanba deit feto ita tenke apoiu entau ita kontribui hela buat neebe lalos,” katak Deputada nee.
Nia dehan, buat neebe los mak tenke buka halo sentidu kritiku, hodi nunee ida neebe mak seidauk kapasita aan bele kapasita aan.
(eme)
