DILI, STLTIMORLESTE.com – Ministeriu Edukasaun (ME) simu ona relatóriu konsesaun husi Eskola Sekundariu Jeral Públiku, ho nunee bele prosesa fali konsesaun iha faze tuir mai.
Diretor Nasional Ensinu Sekundariu iha ME, Benjamin Gomes da Cruz Fernandes dehan, eskola sekundariu jeral maioria hatama ona relatóriu konsesaun.
“Ita nian eskola sekundariu jeral maioria mak hatama ona relatóriu mai ami, iha ida rua mak hadia, atu nunee ami bele prepara trimestre tuir mai nee, tanba ezame nasional besik ona,” afirma nia ba STL, Segunda (25/08/2025).
Benjamin hatete, agora sira sei halo pedidu hetan aprovasaun, depois de ida nee atribui konsesaun eskolar ba eskola sira molok ezame nasional, bele atribui ona osan ida nee ba eskola sira, liu-liu eskola sekundariu sira.
Iha fatin seluk, Diretor Eskola Sekundariu Jeral nu. 4 Setembru Balide, Sergio A. da Cruz dehan, relatoriu konsesaun nee agora elabora hela no asina hotu bele hatama ona relatóriu nee ba ME.
(jac)
