DILI, STLTIMORLESTE.com – Bolsa kandidatu profesores tinan 2024 hamutuk 187, horiseik Segunda hahu prienxe ona termu aseitasaun, bainhira remata prienxe, sira sei ba tuir formasaun molok koloka sira.
Liafuan nee haktuir husi Prezidente Juri Rekrutamentu Bolsa Kandidatu Profesores, João Amaral ba jornalista STL iha nia knaar fatin Vila Verde, Tersa (26/08/2025).
“Prienxe termu aseitasaun nee halao kedas dezde horiseik too loron 29 Agostu, tanba ita fo tempu ba sira semana ida deit, hodi bele prienxe termu aseitasaun nee. Bainhira sira prienxe hotu termu aseitasaun nee ami sei servisu hamutuk ho parte INFORDEPE, ho nunee bele ba tuir formasaun semana ida iha Rairobo Atabae, Munisipiu Bobonaro,” katak nia.
Nia hatutan, bainhira prienxe hotu termu aseitasaun, bolsa kandidatu profesores tinan 2024 hamutuk 187 nee sei ba tuir formasaun, fila fali mai mak hahu halo tomada de pose ba sira no koloka ba eskola ensinu baziku.
(jac)
