DILI, STLTIMORLESTE.com – Centro Nacional Chega (CNC) servisu parseria ho Ministeriu Edukasaun (ME) elabora modul ida kona-ba kurríkulu Ensinu Baziku terseiru siklu.
Ofisial Edukadaun no Formasaun iha CNC, Matias dos Santos katak, agora dadaun CNC kontinua halo servisu parseria ida diak tebes ho ME, neebe hahu halo elaborasaun modul ida ba kurríkulu ida ba ensinu baziku terseiru siklu ninia.
“Iha tinan kotuk ami halo parseria hamutuk ho Ministériu Ensinu Superior, dezenvolve kurríkulu ba nivel ensinu superior nian. Kurikulu sira nee lansa ona iha tinan kotuk, no agora dadaun implementa hela ensinu superior sira,” dehan nia ba jornalista iha ESJ FINANTIL, Aimutin, Kuarta (27/08/2025).
Nia dehan, kurrikulu ba ensinu baziku terseiru siklu nian nee mak agora iha prosesu hela, tanba ida nee kompetensia tomak Ministériu Edukasaun nian, saida mak CNC bele halo mak apoiu deit, atu bele kompleta materia ruma neebe mak ME hanoin katak, CNC bele hola parte para atu kompleta liu tan.
Entretantu Diretor Eskola Sekundariu Jeral FINANTIL, Aniceto Berlelo hatete, estudantes sira ativu teb-tebes, tanba CNC servisu hamutuk ho Ministériu Edukasaun, liu-liu iha ona programa formasaun ba professores sira neebe maka hanorin materia historia ba estudantes sira.
(jac)
