DILI, STLTIMORLESTE.com – Uma Kreda dedika fulan Setembru sai fulan biblia, tanba nee iha Parokia São José Aimutin sei halao sharing biblia iha kada loron Sesta, atu nunee sarani haklean nafatin Maromak Nia liafuan iha sira nia moris loron-loron.
Padre Helio hatete, Setembru hanesan fulan sagrada eskitura nian halo sharing biblia neebe inisitiava husi Parokia, tanba tinan-tinan sempre halo.
“Objeitu husi fulan Sagrada eskritura nee, nuudar sarani ita bele haklean Maromak nia futar lia fuan, tanba Maromak Nia futar lia dalan ba naroman iha Ita nia moris nuudar vidakKristaun, tanba nee presiza tebes hanesan sarani inisitiva rasik atu bele lee biblia iha uma, ema idak-idak no iha grupu, atu nunee haklean sagrada eskritura iha moris,” hatete Administrador Parokia São Jose Aimutin, Padre Helio Castro Alves, CMF ba STL iha Igreja Aimutin, Segunda (1/09/2025).
Tinan nee hahu ho sharing bibilia ho leksu divina neebe sei halo kada Sesta durante Setembru nee Ida nee atividade primeiru neebe halao, foku iha Parokia hare ba sarani sira nia antusiasmu kona ba sharing bibilia leksu divina nee diak tebes. Iha tinan oin sei loke mos ba iha bairo sira neebé partensia ba Parokia São Jose Aimutin.
“Ita nuudar sarani Maromak nia futar lia fuan nee importante tebes mai ita, sei ita metin iha Maromak nia liafuan, Ita haklean ita nia aan iha Maromak nia liafuan. Ida nee furak tebes mai ita, atu nunee Ita bele tahan no iha forsa nafatin ba liafuan aat sira neebe dala barak fo influensia ba Ita nia fiar no halo ema monu ba buat neebe mak laos ita nia fiar haruka,”hatete Pe. Helio
Tanba nee mai haklean aan husik iha Maromak Nia liafuan mak koali no inspira, sai sarani neebe los diak no nakonu ho karidade.
Jornalista: Joaninha Belo
Editora: Domingas Gomes
