BAUKAU, STLTIMORLESTE.com – Sidadaun feto neebe mate iha baliza entre Postu Administrativu Ossu, Munisipiu Vikeke no Postu Venilale, Munisipiu Baukau, ho naran Joana Freitas do Rego, idade 58, famiia deskonfia matebian mate tanba hamlaha.
Matebian nia oan mane, Natalino de Jesus Freitas konta, matebian moras ema ho difisiensia mental nunee sai husi uma iha loron 29 Setembru 2025 (horiseik) tuku 09:00 parte dader nunee hanesan oan buka tuir too kalan boot, maibe la hetan no iha loron 30 Setembru simu novidade tristeza, tanba inan monu iha area refere ho iis laiha ona.
“Iha Domingu nee hau fo han nia nia dehan atu ba Australia, nia sai husi uma horseik loron tomak hau buka nia too jam 08 kalan mak hau ba fali uma, maibe nia monu iha perbatasan Ossu Venilale nian haree vitima nia ain fitar, vitima nia peitu nee kanek no liman kamek, espesie mate tan hamlaha karik, vitima monu iha rai tetuk,” informa oan Natalino liu husi telefone, Tersa (30/09/2025).
ba kazu nee Nia dehan, parte Polisia husi Munisipiu Vikeke no Baukau too ona fatin akontesementu atu identifikasaun ba mate isin, maibe hanesan oan sei la aseita atu lori ba autopsia, tanba deskonfia vitima mate tan hamlaha.
“Husik ba ami nee ema inosente reza deit nia moras mental neebe ami nia oan determina foti Mae ba autopsia ami oan la aseita,” katak oan Mane nee.
Matebian Joana Freitas do Rego husi Aldeia Uatuasa, Suku Hatu-haco, Postu Administrativu Venilale, Munisipiu Baukau no mate iha baliza Postu Ossu-Venilale ho idade 58 husik hela oan mane nain 3 ho lae kaben.
Relasiona asidente nee STL tenta komfirma Komadante Polisia Eskuadra Postu Ossu, maibe seidauk bele fo komentariu, tanba sei iha faze identifikasaun.
Jornalista: Tomas Reis
Editora: Carme Ximenes
