DILI, STLTIMORLESTE.com – Primeiru Ministru (PM), Kay Rala Xanana Gusmão hakerek karta kongratulasaun ba Primeira Ministra Japaun, Sanae Takaichi.
Primeiru Ministru Kay Rala Xanana Gusmão hatete, nia hakarek karta kongratulasaun ba Sanae neebe eleitu nuudar PM Japaun nia.
“Hau imforma ba Prezidente katak, ohin hau hakerek karta kongratula ba Primeira Ministra Japaun diretista boot ida atu duni sai hotu Timor oan sira iha neeba karik,” dehan PM Xanana ba jornalista sira iha Palasiu Prezidensial Nicolau Lobato, Bairo Pite, Kinta (23/10/2025).
Primeiru Ministru hatete, agora iha mundu nee makaas liu tan, manifestasaun iha Estadus Unidos mos emigrante sira temi katak, ema iha eropa mos komesa.
“Ita tenke haree ba ita nia rai nee buka oinsa atu hadia, sei depende liu ba iha liur tanba ita atu ba ASEAN labele hanoin katak ita tuur hakmatek ona, ASEAN ajuda ita buat hotu laos ida nee. Ita mesak deit ema la rona ita nia lian, tanba ita pas parte duni ASEAN laiha liu laran mais iha kedas lina ASEAN, tanba nee mak bainhira hakilar iha ASEAN nia laran mundu sei rona,” dehan nia.
Nia hatete, bainhira iha lina ASEAN bainhira hakilar mundu rona, laos halo Timor Leste hanesan Singapura lae, aproveita mak konhesementu iha neeba hanoin husi neeba hodi hadia rai laran.
Jornalista: Emerenciana Pinto
Editora: Domingas Gomes
