DILI, STLTIMORLESTE.com – Primeiru Ministru (PM), Kay Rala Xanana Gusmão hatete, posivel iha fulan Outubru 2026 sei hatan ba kazu Lighthouse iha Tribunal Supremu Melbourne, Australia.
Primeiru Ministru Kay Rala Xanana Gusmão ba Jornalista bainhira remata halo enkontru semanal ho Prezidente Republika Jose Ramos Horta iha Palasiu Prezidensial, Nicolau Lobato, Bairo Pite, Kinta (23/10/2025).
Nia hatete, posivel nia sei ba hatan kazu Lighthouse iha Tribunal Supremu Melbourne, Australia, maibe Primeiru Ministru dehan lalika tauk.
“Nee prepara hela ami bolu advogadu foun sira kaer hela ida nee no posivelmente iha Outubru tinan mai nee mak ba responde mos iha tribunal Melbourne Australia, lalika tauk tanba buatamak ida uluk kaer layout house nee Governu Australia rasik mak dehan Maior Fraude de lento iha Australia laran,” dehan Primeiru Ministru.
Iha biban nee Primeiru Ministru hatete, sira labele manan, maibe labele esplika klaru rajaun manan oinsa maibe lafiar katak sira sei manan Timor Leste.
“Sira labele manan, agora hau labele esplika buat hotu hotu mais sira manan halo oinsa hau labele esplika agora hein, fiar deit katak sira atu manan ita hmhm,” katak PM Xanana.
Nunee mos Ministru Sergio Hornai de Jesus hatete, PM Xanana halo diskusaun hodi defende Timor Leste nia soberania ligadu ho kazu empreza Lighhouse no pronto imfrenta nee iha tribunal supremu Australia too hetan desizaun final.
Ministru hatete, posizaun ninia halo alinasaun ho politika hotu hotu maibe desizaun iha Primeiru Ministru Kay Rala Xanana Gusmao, oras nee sira sei deskute.
“Ami deskute no koalia halo tiha ona desizaun iha Governu anterior nia, ita tenke defende too iha desizaun no desizaun nee tribunal ultima dehan laiha dalan ita hotu tenke submeter,” dehan Ministru nee.
Ministru haktuir, k disputa ho empreza Lighthouse nee TL nafatin defende nia soberania, TL rasik afeita ba problema sira nee konserteza hasoru advogadu neebe reptrezenta Estadu TL nia soberania, Integridade, intrese lejitimu governu nia para halo reprezentasaun kontraditoriu tau posizaun ba buat neebe sente los.
Jornalista: Emerenciana Pinto
Editora: Domingas Gomes
