DILI, STLTIMORLESTE.com – Primeiru Ministru (PM), Kay Rala Xanana Gusmão hatete, desizaun husi Tribunal Judisiaria Primeira Instansia Dili aplika deit aprezentasaun periodika (AP) ba ajente polisia ida neebe tiru nia feen kaben iha area Aimutin foin lalais, sente la justu hatoo rekursu.
Primeiru Ministru Kay Rala Xanana Gusmão ba jornalista bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairru Pite, Kinta (23/10/2025).
Nia hatete, ho desizaun sira hanesan nee, tanba nee oras nee Governu iha programa hakarak hadia Tribunal no hadia setor Justisa iha Timor Leste.
“Ami iha programa atu hadia Tribunal hadia tiha setor justisa, tanba ida nee semak sente katak, la justu halo rekursu,” dehan nia.
PM Xanana hatete, liga ho kazu violensia sira nee akontese barak no barak hela iha uma mahon Primeiru Ministru ba fo apoiu barak ate hahan, sira balun tanis bainhira PM lori hahan ba.
“Liu tiha fulan tolu hau ba fali ida uluk nee sai ona foun mak mai fali tan tanba nee mak hamosu dekretu lei neebe sai para tau obrigasaun ba Governu atu fo mos apoiu juridiku,” hakotu nia.
Jornalista: Emerenciana Pinto
Editora: Domingas Gomes
