MALAZIA, STLTIMORLESTE.com – Primeiru Ministru (PM), Kay Rala Xanana Gusmão ho delegasaun too ona Kuala Lumpur, Malazia, simu ho parada Militar.
Primeiru Ministru ho delegasaun too iha Aeroportu Internasional Kuarta Lumpur, Malazia, iha tuku 12: 29 oras Malazia nian, no simu direita husi Ministru Informasaun Malazia nian, Fahmi Fadzil.
Durante loron haat hahu husi loron 24 too 28 fulan Outubru iha Simeira ASEAN ba dala 47 mak hanesan Iha loron 25 fulan outubru, Primeiru Ministru sei partisipa iha serimonia abertura ba Simeira ASEAN ba dala-47 no Simeira sira neebe iha relasaun. Partisipa Serimonia Aprezentasaun Premiu ASEAN nian no mos Asina Deklarasaun kona-ba Admisaun Timor Leste ba ASEAN.
Partisipa Plenaria Simeira ASEAN ba dala-47, Serimonia Entrega Protokolu Da-ruak bá Alterasaun Akordu Komersiu sasan ASEAN nian (ATIGA). Partisipa Retiru Simeira ASEAN ba dala-47.
No partisipa mos iha Simeira ASEAN Japaun ba dala-28. Enkontru Lider sira Komunidade Zero-Emisaun Azia nian (AZEC) ba dala-3. Partisipa Simeira ASEAN – India ba dala-22. Partisipa Simeira ASEAN – Estadus Unidus ba dala 13.
Nunee uha loron 27 fulan Iutubru, Primeiru-Ministru sei partisipa iha serimonia sira mak hanesan: Enkontru Bilateral ho Diretora Jerente Fundu Monetariu Internasional. Partisipa Simeira ASEAN ba dala 26 – Republika Koreia (ROK). Sei iha resepsaun almosu nuudar selebrasaun Admisaun Timor-Leste hanesan Membru ASEAN ba dala-11 neebe organiza husi Primeiru-Ministru, Kay Rala Xanana Gusmão. Partisipa Simeira Ázia Leste (EAS) bá dala-20. Partisipa Simeira ASEAN bá dala 15 – Nasoins Unidas (ONU). Jantar Gala neebe organiza husi Honorável Dato Seri Anwar Ibrahim, Primeiru Ministru Malázia nian, no Dato’ Seri Dr. Wan Azizah Wan Ismail, Espoza husi Primeiru Ministru.
Aleinde nee iha loron 28 fulan Outubru, Primeiru Ministru sei partisipa iha Enkontru Bilateral ho Honoravel Christopher Luxon, Primeiru-Ministru Nova Zelandia nian. Partisipa Simeira ASEAN-Xina ba dala-28.
Hafoin nee partisipa mos ASEAN – Simeira Lider Komemorativu Nova Zelandia nian. Partisipa Simeira ASEAN – Australia ba dala-5. Partisipa Serimonia Enseramentu ba Simeira ASEAN ba dala-47 no Simeira sira neebe iha relasaun no Entrega Prezidensia ASEAN nian ba Filipina. Sei iha Jantar ho Universiti Kebangsaan Malazia.
No iha loron 29 fulan Outubru, Primeiru Ministru sei partisipa iha palestra 2025 neebe hatoo husi Ministru Negosiu Estranjeiru Tuanku Muhriz ho tema “Timor Leste nia Adezaun ba ASEAN: Aktu Solidariedade iha Mundu Fraturadu.
Jorrnalista: Alberto Menezes
Editora: Carme Ximenes
