KUALA LUMPUR, STLTIMORLESTE.com – Malaysia ho Governu Timor-Leste liu husi Sekretariu Estadu Komunikasaun Sosial (SEKOMS) asina ona nota entendimentu ho Ministru Komunikasaun Malaysia atu reforsa kooperasaun hodi promove esperiensia, dezenvolvimentu kapasidade teknika no inovasaun dijital iha setor komunikasaun sosial.
Akordu nee asina husi Ministru Komunikasaun Malazia, Ahmad Fahmi bin Mohamed Fadzil, no husi Sekretariu Estadu Komunikasaun Sosial Timor-Leste, Expedito Dias Ximenes, durante serimonia ofisial neebe halao iha Kuala Lumpur iha marjen Simeira ASEAN ba dala 47.
Tuir dokumentu nee, Memorandu nee ho objetivu atu promove kooperasaun bilateral neebe bazeia ba igualdade, benefisiu mutuo, no respeitu ba soberania, hametin lasu amizade no kolaborasaun entre nasaun rua nee iha area informasaun, komunikasaun, no inovasaun dijital.
Sekretariu Estadu Komunikasaun Sosial (SEKOMS) Expedito Dias Ximenes katak akordu akordu ida nee importante tebes importante hodi hasae kolaborasaun entre Timor-Leste no Malazia, partikularmente iha area sira komunikasaun social.
“Asinatura MOU ida-nee reflete ita-nia objetivu hamutuk atu haburas komprensaun mutual no kooperasaun entre ita-nia povu sira liu husi enkoraja fahe esperiensia no dezenvolvimentu profisional,” hatete SEKOMS, Expedito Dias Ximenes liu husi deskursu hafoin remata asina nota entidimentu ho Ministru Komunikasaun Malazia iha Salaun Otel, Pullman, Kuala Lumpur, Malaysia Sabadu (25/10/2025)
Governante nee afirma, liu husi servisu hamutuk nee bele hasae kapasidade rekursu umanu nian liu-liu iha setor midia nian.
“Ami iha serteza katak kolaborasaun nee sei tulun atu hasae kapasidade umanu no tekniku industria midia Timor-Leste nian no fo dalan foun ba kolaborasaun entre ita-nia profisional midia sira, no mos iha nivel institusional,” dehan nia
Governante nee lori Governu Timor Leste nia naran hato agradesimentu ba governu Malazia tanba Dezde Timor-Leste nia restaurasaun independensia iha tinan 2002, Malazia iha ona objetivu komun ida ba futuru rejiaun ida neebe reziliente liu, informadu reafirma amizade no konfiansa mutua ohin loron.
“Lori Governu Timor-Leste nia naran, permite hau atu hatoo ami-nia agradesimentu sinseru ba Governu no ospitalidade no espiritu povu Malazia nian ba kooperasaun hospitalidade neebe hatudu ona iha tinan hirak nia laran,”
Fatin hanesan Ministru Komunikasaun Malazia nian, Ahmad Fahmi bin Mohamed Fadzil sublina katak kooperasaun nee hanesan kumprimisiu Malaysia nia hakarak apoiu nasaun rejional sira.
“Reflete kompromisu Malazia nian hodi apoia nasaun sira iha rejiaun hodi hametin literasia midia nian no adapta ba teknolojia dijital foun sira,” adianta Ministru Ahmad Fahmi
Memorandu Entendimentu nee validu ba tinan lima no bele hanaruk ho akordu mutuo entre governu rua nee.
Area prinsipal sira kooperasaun nian inklui transformasaun dijital no inovasaun iha midia, inklui notisia online, edukasaun, no plataforma kultura nian, troka informasaun no konteudu notisia entre ajensia notsia nasionall sira Tatoli (Timor-Leste) no Bernama (Malazia), kolaborasaun entre emisora publika RTTL, E.P. no Radiu Televizaun Malazia (RTM).
Seluk mak kona ba dezenvolvimentu rekursu umanu liuhosi formasaun no programa kapasitasaun; no kombate dezinformasaun no notisia falsu, iha parseria ho Komisaun Komunikasaun no Multimedia Malazia (MCMC).
Memorandu nee prevee mos kriasaun Komite Traballu Konjuntu ida, neebe kompostu husi reprezentante sira husi governu rua nee, neebe tinan-tinan sei hasoru malu iha baze rotativa iha Timor-Leste no Malazia, ho objetivu atu akompania implementasaun programa no propoin area kolaborasaun foun sira.
Molok nee Konsellu Ministru autoriza oma asinatura Sekretariu Estadu Komunikasaun Sosial (SEKOMS) Expedito Dias Ximenes asina Memorandu Entendimentu ida ho Ministru Komunikasoins Malazia nian, Ahmad Fahmi bin Mohamed Fadzil durante Simeira ASEAN
Akordu nee ho objetivu atu hametin kooperasaun bilateral entre nasaun rua nee iha area informasaun no komunikasaun sosial, hodi promove troka esperiensia, dezenvolvimentu kapasidade teknika no inovasaun dijital iha setor nee.
(alb)
