DILI, STLTIMORLESTE.com – Ministrriu Edukasaun (ME) husu ba eskola privadu sira neebe iha problema entre fundador sira, tenke aprezenta nia solusaun ba ME, atu nunee iha direitu ba konsesaun eskolar.
Lia hirak nee hatoo husi Diretor Nasional Ensinu Sekundariu iha ME, Benjamin Gomes da Cruz Fernandes ba STL, Kinta nee (15/01/2026).
“Ami seidauk bele fo ba sira konsesaun eskolar iha tinan ida nee, kuandu sira seidauk aprezenta sira nian solusaun ba problema entre sira ho fundador eskola, tanba kuandu kontinua solusaun laiha mak tinan ida nee sira nafatin la hetan konsesaun eskolar, tantu iha tinan nee no tinan oin mai. Maibe bainhira sira aprezenta ona sira nian solusaun nee ba tribunal, sira lori ba aprezenta ona katak, osan nee atu atribui ba ME mak ami foin atribui osan ida nee ba sira,” katak nia.
Benjami dehan, eskola privadu sira seluk neebe ba oin iha problema mak sira la hetan konsesaun, tanba nee eskola privadu neebe mak iha problema no la rezolve sira nian problema mak sira labele hetan konsesaun eskolar.
Nunee mos Diretor Eskola Sekundariu Nobel da paz hanesan mos Fundador, Jeremias P. de Jesus hatete, durante tinan rua ka tolu ona eskola Nobel da Paz la hetan konsesaun eskolar, maske durante halo ona pedidu ba Ministériu Edukasaun, maske konsesaun eskolar nee osan estadu nian, povu nian oan barak mak eskola iha nee, maibe tanba deit problema entre fundador eskola sira, entaun tinan hira nia laran, eskola ida nee la hetan konsesaun eskolar.
(jac)
