DILI, STLTIMORLESTE.com – Ministeriu Edukasaun (ME) hasai ona sirkular katak, sei la autoriza estudantes husi munisípiu mai kontinua estudu nivel sekundariu iha kapital Dili.
Diretor Nasional Ensinu Sekundariu iha ME,Benjamin Gomes da Cruz Fernandes dehan, sirkular nee bandu estudantes husi munisípiu atu mai kontinua estudu sekundariu iha Dili, tanba governu loke eskola sekundariu iha munisípiu hotu-hotu, tanba nee husu sira kontinua estudu iha sira nian munisípiu, la presiza mai too iha Munisipiu Dili.
“Iha sirkular ida hatudu katak,.estudantes husi munisípiu labele mai eskola iha Dili, tanba governu loke ona eskola sekundariu iha munisípiu hotu, too iha postu administrativu hotu, neebe hotu-hotu eskola iha ninia munisípiu, se mai hotu iha Dili mak bele kria poblema barak, tanba nee la autoriza estudantes husi munisipiu mai eskola iha kapital Dili,” dehan Benjamin ba STL, Kinta nee (15/01/2026).
Tuir Benjamin katak, razaun la simu estudantes Mai husi munisipiu, tanba governu loke eskola sekundariu iha munisípiu hotu-hotu too iha postu administrativu sira, tanba nee sira la presiza mai too iha Dili.
Iha fatin seluk, Diretor Eskola Sekundariu 10 Dezembru Komoro, Manuel Verdial dehan, sira la simu estudantes husi munisípiu no sira simu deit estudantes husi Munisípiu Dili.
(jac)
