DILI, STLTIMORLESTE.com – East Timor Coffee Institute (ETCI) nafatin hasae kualidade dosentes, no daudaun nee dosentes nian 11 kontinua estudu iha rai liur.
Lia hirak nee hatoo husi Reitor East Timor Coffee Institute ( ETCI), Mateus Maia de Jesus ba jornalista STL, Tersa nee (20/01/2026).
“Ami nian kapasitasaun dosentes ba tinan ida nee laiha, maibe iha tinan kotuk ami haruka tiha ona, tanba antes nee ami haruka ona dosentes ba kontinua estudu iha rai liur hamutuk nain 11, nee ba iha nasaun Indonezia ho Brazil, nee ba maestradu ho doutoramentu, dosentes nain 11 nee ba iha area agrikultura hotu,” dehan nia.
Reitor ETCI nee akresenta, dosentes ba area maestradu nee remata ona, doutaramentu nee mak sei finaliza iha tinan ida nee nia laran, ETCI nee iha fakuldade tolu deit, nee mak hanesan agrikultura, edukasaun no ekonomia.
“Hau hanoin ami nian dosentes S1nain lima nunee, maibe ami nian planu nee haruka sira ba kontinua estudu iha tinan oin, tanba depende ba iha orsamentu, maibe sira nee sai asisten dosente,” katak nia.
(jac)
