DILI, STLTIMORLESTE.com – Hakarak ka lakohi, nee jestaun kada Instituisaun Ensinu Superior idak-idak tenke kompete ho universidade husi rai liur.
Haktuir Reitor East Timor Coffee Institute ( ETCI), Mateus Maia de Jesus ba jornalista STL, Kuarta nee (21/01/2026).
“Ita tama ona ba iha ASEAN, nee atu kompete ou la kompete, nee jestaun husi kada instituisaun idak-idak nian atu kompete ho universidade sira husi rai liur, nee duni hakarak ka lakohi tenke Kompete,nee kestaun ida-idak nian,” nia informa.
Iha fatin seluk, Reitor Dili Institute Of Technology (DIT), Salustiano dos Reis Piedade dehan, tama ona ba iha ASEAN nee tenke prontu halo kompetisaun ho universidade iha rai liur. Kuandu la halo kompetisaun bele lakon merkadu, tanba nee ensinu superior sira tenke prontu kompete, tanba siensia nee kuaze hanesan deit. Nunee tama ASEAN tenke halo kompetisaun, nee importante tebes.
“Ita tama ona ba iha ASEAN nee tenke prontu halo kompetisaun ho universidade iha rai liur. Kuandu la halo kompetisaun bele lakon merkadu, tanba nee ensinu superior sira tenke prontu kompete, tanba siensia nee kuaze hanesan deit. Nunee tama ASEAN tenke halo kompetisaun, nee importante tebes,” tenik nia.
Nunee mos Reitor Institute Ciensia Saude (ICS), Leao Borges antes nee dehan, TL tama ona ba ASEAN, oinsa universidade idak-idak prepara ninia Rekursu Umanu, atu nunee bele kompete ho ensinu superior husi rai liur.
(jac)
