DILI, STLTIMORLESTE.com – Sai profesores nee tenke fuan boot, tanba nee bainhira hanorin estudantes labele ho Violensia.
Informasaun nee hatoo husi Koordenador Eskola Baziku Filial (EBF) Fatumeta, Manuel Pires ba STL, Kuarta nee (28/01/2026).
“Dezafiu neebe mak ami infrenta mak agora dadaun nee mak ami nian professores,maibe ami kontinua nafatin halo vizilansia iha aulas neebe maka professores sira agora dadaun iha,nee duni ami halo vizilansia nafatin.Dezafiu uituan mak ami nian estudantes sira mai ho karakter neebe la hanesan,maibe ita labele baku,bainhira ita baku nee ita halo Violensia,ida nee mak dala barak ami hasoru ba iha sala de aulas,”nia dehan.
Tuir Manuel katak, dala barak sira nian professores sira sempre kestiona katak, estudantes sira nee mai ho karakter neebe la hanesan,maibe sai professores nee tenke pasiensia no fuan tenke boot, tanba eduka ema sai ema nee presiza pasiensia, ida nee mak dezafiu boot liu, maibe kada loron sira sempre atende ida nee.
“Dala barak ita nian estudantes sira baku malu, ida nee hanesan dezafiu tebes, tanba dala ruma ami bolu inan aman estudantes sira nian hodi ami bele rezolve hamutuk, tanba ita tenke Edukasaun labele baku malu entre estudantes ho estudantes, tanba nee, husu ita nian professores sira hanorin labele ho violensia,” katak nia.
Nia akresenta, bainhira sai ona professores nee tenke pasiensia no fuan boot, para bele eduka labarik Sira, tanba sira mak hanesan jerasaun foun ba nasaun ida nee, nee duni professores sira Edukasaun sira atu sai labarik neebe diak iha futuru.
Nunee mos Koordenador Eskola Baziku filial (EBF) no 5 Komoro, Marcelino Moniz hatete, los duni hanorin iha EBF estudantes kiik maka barak, tanba nee sira mai ho karakter neebe mak la hanesan,no hanorin Sira presiza pasiensia.
“Hau hanoin ita hanorin iha EBF estudantes kiik maka barak, tanba nee, sira mai ho karakter neebe mak la hanesan no hanorin sira presiza pasiensia,” nia dehan.
(jac)
