AMBENO, STLTIMORLESTE.com – Komando Polisia Nasional Timor Lorosae (PNTL) Rejion Administrativa Espesial Oecusse-Ambeno (RAEOA), iha loron Domingu (31/05/2026), entrega ona detidu Cancio Mauno ba Gruarda Prizaun hodi lori hikas ba prizaun Becora liu husi Transporte Maritima ho Roo Berlin Ramelau.
Tuir Komandante PNTL RAEOA, Superintendente Xefe Polisia, Nicolao Francelino da Costa ba STL iha Komando PNTL Oecusse, Suku Costa, Postu Administrativu Pantemamasaar Rejiaun Administrativa Espesial Oecusse-Ambeno (RAEOA), Domingu (31/05/2026) katak, ohin entrega fali detidu, Cancio Mauno ba Guarda Prizaun.
“Tuir los ita entrega ona ba Guarda Prizaun Nasional maibe tanba deit iha servisu seluk iha loron Sesta (29/05/2025), tanba nee mak ohin foin realiza. Antes entrega detidu ba Guarda Prizaun, Komandante Investigasaun PNTL entrega ona dokumentus relatoriu ba Tribunal no ohin Guarda Prizaun sira lori ona detidu ba Nasional hodi prosesa tuir lei neebe iha,” dehan Komandante PNTL RAEOA.
Nia haktuir tan katak, prosesu entrega detidu nee iha Oecusse ba Guarda Prizaun iha Komando PNTL Oecusse lao diak.
“Ita agradese tanba liu husi ekipa konjuntu sira kompostu husi J2, SNI no PNTL konsege deteta padareiru detidu no transporta husi ninia rezidensia mai iha Komando PNTL iha Oecusse,” dehan nia.
Detidu akompanha husi Guarda Prizaun sira ho kareta prizaun iha loron Domingu loraik (31/05/2026) iha Komando PNTL RAEOA, tuku 14:50 OTL no detidu ho Guarda Prizaun sira akompanha husi Polisia Investigasaun ba Portu Internasional Iwao Kitahara Mahata no sei viajen ba Dili ho roo ahi Berliin Ramelau ba Dili.
(jos)
