DILI, STLTIMORLESTE.com – Eskola Hotelaria no Turizmu Becora simu ona fundu operasional eskola sei tau prioridade ba formasaun pedogogy (Teaching Skill).
Lia hirak nee hatoo husi Diretor Eskola Hotelaria no Turizmu Becora, Charles F. Guterres ba STL iha nia knaar fatin, Kuarta nee (10/06/2026).
“Ami nian fundu operasional eskola nee ami ezekuta ona 90%. Fundu ida nee tau prioridade liu ba formasaun pedogogy (Teaching Skill) ekipamentu pratika, rekursu Aprendijagen, ICT no melhora administrasaun eskolar Pedagogy. (Teaching Skill). Relatoriu fundu operasional eskola nee sei submete iha Fin de Junho 2026. Hodi nunee bele transfere tan US$ 10.000 ba faze segundu nian,” nia hatutan.
Iha fatin seluk, Diretor Eskola ESTV-IT 28 de Novembro Becora-Díli, Tomas Pinto hatete, Eskola ESTV-IT 28 de Novembro Becora-Díli hetan ona fundus operasional eskola neebe tama ona sira nian konta bankaria eskola nian.
“Ami nia konsesaun eskolar la iha ona, maibe ami agora uza fali fundus operasional eskola no fundu operasional eskola nee tama ona ami nian kinta bankaria eskola ESTV-IT 28 de Novembro Becora-Díli nian ona, maibe seidauk ezekuta, tanba ami sei husu mata dalan ba ezekusaun fundu operasional eskola nee rasik, hodi nunee lao tuir mata dalan. Ami hetan US$ 20,000.00, maibe sei tuir etapa por etapa,” dehan nia.
Nia afirma, maibe sira mós iha planu estratéjiku ba eskola ninian durante tinan 1 nian neebe aprova ona husi Ministériu Edukasaun Nasional através husi Secertário Estado do Ensino Tecvo no ESG nian, tan nee mak fundos nee tama iha sira nia konta bankaria nee.
“Ami hetan US$ 20,000.00, maibe sei tuir etapa por etapa, etapa primeiru fulan Janeiru tóo Junhu nian US$ 10.000, bainhira ami ezekuta hotu mak sei halo relatóriu ba parte ME, maibe daudaun nee ami seidauk ezekuta fundu operasional eskola nee rasik,” nia informa.
(jac)
