DILI, STLTIMORLESTE.com – Polisia Nasional Timor Leste (PNTL) liu husi Diresaun Servisu Investigasaun Kriminal (DSIK) hamutuk ho Servisu Migrasaun desmantela tan sidadaun estranjeiru nain 30 neebe involve iha atividade Scam Call Center, iha Otel boot ida ne’ebe lokaliza iha area Cristo Rei, Aldeia Fatukama, Suku Metiaut Dili.
Entretantu iha loron Sabadu (26/07/2026) antes halo operasaun ho eskala boot nee, ekipa servisu serku uluk tiha ona aredores otel, nunee wainhira membru sira tama ba laran sidadaun estranjeiru nain rua tenta halai subar, maibe ekipa servisu konsege duni tuir ikus mai kaptura iha estrada publiku Cristo Rei nian.
Ekipa servisu mos prende objetu krime iha otel ida neebe konsidera hanesan evidénsia teknolojia dijitál no asegura sidadaun Xineza nain 30 kompostu husi feto nain 4 no mane 26.
Depois husi total nain 30 nee iha Xineza nain rua mak sai ona arguidu tanba envolve iha kazu scam call center neebe antes nee hetan ona Termu Identidade no Rezidénsia (TIR) no Proibisaun Aujénsia husi Tribunál Judisiál Primeira Instánsia Dili (TJPID) no labele sai husi rai laran, maibe kontinua komete krime hanesan.
Hafoin halo aprensaun ba sidadaun estranjeiru hirak nee, ekipa servisu asegura kedas mai iha edifisiu PNTL hodi submete ba prosesu investigasaun.
(jen)
