DILI, STLTIMORLESTE.com – Polisia Nasional Timor Leste (PNTL) liu husi Diresaun Servisu Investigasaun Kriminál (DSIK) hapara roo neebe tula sigaru ilegal hamutuk 2.583 karton.
Porta-voz Komando Polísia Nasional Timor Leste (PNTL), Superintendente Xefe Polísia João Belo dos Reis aprezenta operasaun neebe mak PNTL halo aprensaun ba karga ilegal iha tasi, ba roo neebe lori sigaru ilegal neebe foin daudaun prende ho sigaru ilegal 2.583 karton.
“Ita nia Servisu Intelejensia, Unidade Polísia Marítima nian hamutuk ho F-FDTL nomos PNTL monitoriza roo ida ho naran Famara Jaya Utama neebe halo nia sirkulasaun iha tasi Timor nian, roo nee tula sasan ilegal hanesan sigaru hamutuk 2.583 korton,” hatete Porta-voz Komando PNTL, Superintendente Xefe Polísia João Belo dos Reis ba jornalista sira liu husi konferensia imprensia iha Komando Jeral PNTL Caicoli, Dili, Tersa (28/07/2026).
Nia dehan, Diresaun Servisu Investigasaun Kriminal (DSIK) hamutuk Unidade Polísia Marítima (UPM) ba halo aprezensaun sigaru hamutuk 2.583 karton.
Nia esplika, sigaru nee mai ho marka Manchester, Sigaru Dunhill, ho sigaru oi-oin deit neebe sirkula iha merkadu Dili laran no ba iha Munisipiu sira tanba trasportasaunn ilegal mai husi tasi.
“Agora daudaun ita halo hela prosesu investigasaun ba ema nain 7 nee, nain 5 sidadaun Mianmar, seluk nee sidadaun Xina, no sidadaun Xina nee balun hela kleur ona iha Timor Leste,” nia deklara.
(jen)
