DILI, STLTIMORLESTE.com – Moris sente todan iha moris labele lakon esperansa, nafatin tau konfiansa iha Jesus sei hetan dalan neebe diak no iha solusaun ba problema hotu.
Tuir Padre Paul Kerans, SVD ba STL, Kuarta nee (29/07/2026) hatete, devosional ba loron kuarta foti husi Evanjelhu João 11:19-27 konaba marta konversa ho Jesus, husi konversa ida nee hanorin ema ida-idak katak presiza fiar iha Jesus hodi hetan dalan salvansaun ba moris.
“Iha Evanjelhu ohin nian, Marta halo konversa ho Jesus. Konversa ida nee hanorin ita katak fiar presiza komprensaun neebe perfeitu. Marta onestu. Nia rekonese saida maka tenke akontese, maibe nia la husik nia deziluzaun estraga nia fiar,” katak Padre Paul.
Envezde, Marta fila ba Jesus iha nia laran susar envezde hadook aan hosi Nia. Jesus fo hanoin ba nia katak konfiansa iha Nia ultrapasa mate, no katak esperansa nunka taka iha rate. Nia dezafia Marta atu fiar.
“Momentu ida nee dudu ita atu husu ba ita nia an rasik. Bainhira moris sente hanesan rate taka, ita nia fiar nia abut iha neebe? Marta fiar molok milagre nee akontese. Nia fiar iha Jesus, maske nia maun hakoi tiha ona no situasaun nee parese final. Nia fiar la hamoos nia moras, maibe ida nee muda nia perspetiva. Nia loke nia fuan ba saida maka sei iha esperansa moris rohan laek nian,” katak Padre.
Tanba nee husi Marta nia konversa ho Jesus ida nee nafatin fanu ema idak idak hodi fiar iha Jesus Maske dala barak lao sala dalan buka hakbesik aan iha Jesus, sai hun no abut ba moris.
“Ohin, ita bele sente hanesan ita moris iha istoria ida neebe hotu ona. Maibe ho Jesus, istoria nunka remata iha rate. Lian hanesan neebe bolu Lazaro atu hamriik sei prezente nafatin iha ita-nia dezesperu. Husik ida nee sai hanesan bolun ida atu fiar liu tan, atu iha esperansa liutan, no atu hakat ba oin maske buat hotu parese lakon. Tanba fiar iha Nia laos deit konaba milagre sira. Ida-nee konaba moris hias, agora no ba nafatin,” katak Padre.
Bibi Atan Kreda Katolika nee dehan, husi Jesus nia terus no mate iha kruz no moris hias husi mate hodi hamos ema nia sala neebe halo ona, maibe ema idak idak presiza halo refleksaun ba nia aan katak husi sala halo Jesus terus, tanba nee presiza buka hahalok husi tuir dalan neebe Jesus hanorin iha evanjellu tuir Maromak nia hakarak.
Fiar iha Jesus sei hetan salvasaun, fiar iha Jesus sei rezolve problema neebe ema idak idak hasoru iha nia moris, no fiar iha Jesus sei fo solusaun hotu, tanba nee bainhira bainhira hasoru obstaklu oin oin iha moris keta lakon esperansa maibe hakbesik aan nafatin iha Jesus, sei fo solusaun ba buat hotu tanba Jesus mak hun no rohan ba moris nee.
Tanba nee husi Marta nia konversa ho Jesus mak momentu ida nee dudu ema idak idak atu husu ba nia aan rasik, katak bainhira moris sente hanesan rate taka, ema nia fiar nia abut buka hakbesik aan ba Jesus, tanba Marta fiar molok milagre nee akontese. Nia fiar iha Jesus, maske nia maun hakoi tiha ona no situasaun nee parese final. Nia fiar la hamoos nia moras, maibe ida nee muda nia perspetiva. Nia loke nia fuan ba saida mak sei iha esperansa moris rohan laek nian.
Husi nia fiar bele soi buat hotu, no husi nia istoria hanorin ema idak idak nafatin hakbesik no tau fiar nafatin iha Jesus.
(eme)
