DILI, STLTIMORLESTE.com – Jogador FC Mãe de Graça, Leo Gomes senti orgulhu tanba nia ekipa hakat ba finais Copa Institute Superior Dom Bosco (ISDB).
FC Mãe de Graça manan FC Verbitas 1-0 iha kuartu-finais, liu husi suta pinalti, iha kampu futebol Dom Bosco Comoro, Dili.
Leo Gomes agradese ba nia ekipa tanba esforsu no kompromisu husi inísiu kompetisaun to’o sira bele hakat ba finais.
“Hau agradese ba ekipa ami nian, tanba esforsu tomak. Ami manan Verbitas no agora hakat ba finais,” nia agradese.
Leo hateten, ekipa sei esforsu nafatin atu buka vitória no konkista títulu Copa Institute Superior Dom Bosco 2026.
“Ho Nai nia forsa no forsa ekipa hamutuk, ami sei esforsu atu manan iha final no sai kampiaun,” dehan nia.
FC Mãe de Graça lokaliza iha área Tasi-Tolu, Suku Comoro, Postu Administrativu Dom Aleixo, Munisípiu Dili.
(leo)
