DILI, STLTIMORLESTE.com – Prezidente Republika (PR), José Ramos Horta enkontru ho Embaixadór UE ba Timor-Leste, Thorsten Bargfrede, hodi diskute hamutuk konaba Asembleia Jeral Nasoens Unidas ne’ebé sei halao semana oin.
Bainhira remata enkontru, Embaixadór UE ba Timor-Leste, Thorsten Bargfrede ba jornalista iha Palasiu Prezidensial Nicolau Lobato Bairru Pite Kuarta loraik (16/09/2026) hatete, enkontru ne’e diskute prioridade UE no Timor-Leste ba Asembleia-Jerál Nasoins Unidas.
“Importante tebes atu hamriik ba Nasoins Unidas no orden multilaterál, estadu direitu no relasaun internasionál,” Bargfrede hatete.
Nia hatete mos katak, sira diskute krize internasionál, inklui funu iha Ukránia no krize Gaza, ne’ebé presiza atensaun urgente.
Bargfrede subliña katak UE no Timor-Leste fahe objetivu komún atu preserva no apoia papel Nasoins Unidas iha mundu.
Nune’e mos Embaixadór Portugál ba Timor-Leste, Duarte Bué Alves, hatete nia haksolok atu akompaña Bargfrede iha enkontru ho Prezidente.
“Ne’e inisiativa hosi UE atu troka hanoin ho Prezidente kona-ba eventu sira iha Nova Iorke semana oin,” Duarte hatete.
Duarte hatete mos katak líder mundiál barak sei hasoru malu iha Nova Iorke atu troka hanoin kona-ba dezafiu komunidade internasionál.
Hosi perspetiva Portugál, nia destaka ajenda kona-ba mandatu tinan sanulu António Guterres nu’udar Sekretáriu-Jerál Nasoins Unidas. “Asembleia-Jerál ne’e sei sai ikus ba Sekretáriu-Jerál António Guterres,” Duarte hatete kona-ba mandatu Guterres nian.
Nia hatete, kontribuisaun Guterres ba multilateralizmu importante, liuliu bainhira sistema multilaterál enfrenta krize internasionál barak.
Enkontru ne’e diskute mos mudansa klimátika, lei internasionál, oseanu sira, Ukránia no Gaza, ne’ebé sei aborda iha Nova Iorke.
Enkontru ne’e mós buka hetan hanoin Prezidente kona-ba dezafiu sira ne’ebé komunidade internasionál enfrenta. Líder mundiál barak sei iha Nova Iorke atu troka hanoin kona-ba dezafiu komunidade internasionál hasoru Duarte mós aprezenta aspetu balun hosi ajenda Portugál ba Asembleia-Jerál Nasoins Unidas.
Entre asuntu sira mak kompleta siklu tinan 10 António Guterres nian nu’udar Sekretáriu-Jerál Nasoins Unidas. Asembleia-Jerál ne’e sei sai ikus ba Sekretáriu-Jerál António Guterres.
(eme)
