DÍLI, STLTIMORLESTE.com — Ekipa basquetebol feto Ponta Leste manan Lemocor ho rezultadu 60–43, iha kompetisaun Liga Nasionál Basquetebol Timor-Leste, ne’ebé hala’o iha Ginásio Desportu Dili, sábado, 25/10/2026.
Iha parte dahuluk, ekipa rua hatudu kompetisaun ne’ebé maka’as, ho pontu troka malu. Lemocor no Ponta Leste luta atu domina jogu, maski Ponta Leste konsege hetan vantajen iha momentu importante.
Iha 10 minutu dahuluk, pontu muda husi 0–2, 2–2, 4–2, 4–5, 4–7, 6–7, 8–7, 8–9, 11–9 to’o 11–12, ho Ponta Leste iha oin ho diferensa pontu ida.
Iha 10 minutu ikus parte dahuluk, Ponta Leste aumenta nia vantajen, maski Lemocor kontinua buka oportunidade atu hatama pontu. Parte dahuluk remata ho rezultadu 27–33, Ponta Leste lidera ho diferensa pontu neen.
Depois deskansu, Ponta Leste kontinua hatudu dominíu iha parte daruak. Iha 10 minutu dahuluk, ekipa ne’e aumenta vantajen husi 33–35, 37–27, to’o 44–34, no Lemocor koko nafatin atu hamenus distánsia pontu.
Iha 10 minutu ikus, Ponta Leste mantein nia kontrolu no aumenta pontu, enkuantu Lemocor kontinua buka dalan atu aproxima rezultadu. Jogu remata ho vitória Ponta Leste, 60–43.
Maski Lemocor la konsege manan, apoiantes no simpatizantes husi ekipa rua kontinua fó apoiu ba sira-nia ekipa durante kompetisaun, ho esperansa katak sira bele hetan rezultadu di’ak.
Vitória ne’e fó oportunidade ba Ponta Leste atu kontinua hadi’a nia pozisaun iha kompetisaun Liga Nasionál Basquetebol Timor-Leste.
(leo)
