DÍLI, STLTIMORLESTE.com – Diresaun Nasionál Ensinu Sekundáriu Jeral (ESJ) fahe ona ekipamentu eletróniku ba eskola sekundária jeral públika hamutuk 27, hodi apoia prosesu aprendizajen no introdús sistema teknolojia iha sala aula sira.
Diretór Nasionál Ensinu Sekundáriu iha Ministériu Edukasaun (ME), Benjamin Gomes da Cruz Fernandes, hato’o informasaun ne’e ba STL, iha salaun Ian Martin Balide, Dili, Kinta-feira (29/10/2026).
Benjamin esplika katak, prosesu aprovizionamentu ba ekipamentu eletróniku seluk sei kontinua, atu bele estende ba eskola sekundária jeral públika sira ne’ebé seidauk simu ekipamentu.
“Fahe ona ekipamentu eletróniku ba eskola sekundária 27. Ami nia orsamentu ba aprovizionamentu sei iha prosesu hela, no sei sosa tan ba eskola 18. Signifika katak, iha tinan oin ami sei instala tan ekipamentu ba eskola 18, atu iha tinan ida tan eskola sekundária jeral públika sira hotu bele uza sistema ida-ne’e,” nia dehan.
(jac)
