BAUCAU, STLTIMORLESTE.com – Gaudencio Marques Figueiredo, ne’ebé bolu Dede, mate iha fatin tanba asidente tránzitu iha Lanud, Baucau, kuarta-feira (11/11/2026).
Asidente ne’e akontese iha estrada públika Dili–Baucau, bainhira vítima ne’ebé lori motorizada marka X-Ride husi Dili ba Baucau.
Vítima nia motorizada kolide ho kareta truk sapa ho númeru matríkula 56.533, rezulta vítima sofre kanek grave iha ulun.
Tanba kanek grave ne’ebé hetan, Gaudencio mate iha fatin akontesimentu.
Hafoin akontesimentu, autoridade sira lori mate-isin vítima nian ba sala mortuária Hospital Rejionál Eduardo Ximenes (HoREX), Baucau.
Depois, mate-isin transporta kontinua ba vítima nia rezidénsia iha Suku Tirilolo, Postu Administrativu Baucau Vila.
Entretantu, Komandu Polísia Munisípiu Baucau liuhusi Seksaun Tránzitu asegura ona kareta truk no motorizada nu’udar evidénsia ba prosesu investigasaun.
(tom)
