DÍLI, STLTIMORLESTE.com – Ekipa futebol feto Sub-17 husi Dili Leste sai kampeaun Copa Juvenil U-17 Feto 2026, depois derrota ekipa Manufahi ho rezultadu klaru 7-0, iha jogu final ne’ebé hala’o iha Kampu FFTL, Díli, kuarta-feira, 11 Novembru 2026, tuku 18:30 kalan.
Iha kompetisaun ne’e, Dili Leste hatudu dominasaun durante jogu tomak, ho hatama golu hamutuk hitu kontra Manufahi, ne’ebé la konsege responde ho golu ida.
Golu abertura ba Dili Leste marka husi jogadora Danila Guterres, númeru kamizola 7, iha minutu 11. Jogadora ne’e kontinua hatama golu segundu iha minutu 16, antes Devona da Cunha, númeru 8, aumenta vantagem ba 3-0 iha minutu 26.
Antes remata primeira parte, Danila Guterres fila fali marka golu dahaat iha minutu 39, hodi lori Dili Leste taka primeira parte ho vantagem 4-0.
Iha segunda parte, Eliza Soares, númeru 3, aumenta golu ba Dili Leste iha minutu 57, hodi halo rezultadu 5-0.
Danila Guterres kontinua sai jogadora importante iha jogu ne’e, depois de hatama golu sextu iha minutu 73 no kompleta hat-trick liuhusi golu neen iha minutu 80, hodi taka rezultadu ikus 7-0 ba Dili Leste.
Ho rezultadu ne’e, Dili Leste konsege hamrik nu’udar campeãun Copa Juvenil U-17 Feto 2026, depois de manán Manufahi iha disputa final ho diferensa golu hitu.
(leo)
