DÍLI, STLTIMORLESTE.com — Klubu Voleibol ADR União sai hanesan manan-na’in iha jogu hasoru Klubu Voleibol Finih, ho rezultadu 3–0, iha kompetisaun Liga Voleibol Timor-Leste Segunda Divizaun, Époka Sexta 2026.
Jogu entre ADR União no Finih ne’e realiza iha Kampu Voleibol Ministerio Joventude Desporto Arte no Cultura Dili, foin lalais nee. Jogadór husi ekipa rua hatudu intensidade aas no teknika ne’ebé di’ak, liuliu iha servisu, pasing, smash no bloku.
Iha set primeiru, ADR União komesa ho prestasaun di’ak no konsege kontrola jogu, hodi manan Finih ho skor 25–17.
Tama ba set segundu, ADR União aumenta intensidadejogu ne’ebé forte liu. Ekipa ne’e domina ritmu jogu no konsege manan ho diferensa pontu boot, 25–15, hodi halo rezultadu sai 2–0.
Iha set terseiru, ADR União kontinua hatudu domíniu no konsisténsia iha jogu. Ho servisu no atake ne’ebé efetivu, ADR União konsege taka set ho vitoria 25–15, hodi manan Fihih ho rezultadu 3–0.
Ho rezultadu set tolu ne’e, ADR União ofisialmente sai manan-na’in hasoru Finih ho rezultadu agregadu 3–0.
Vitória ne’e hatudu katak ADR União iha prestasaun konsistente no kapasidade atu kontrola jogu to’o remata. Enkuantu ba Finih, derrota ne’e sai hanesan oportunidade atu halo avaliasaun ba sala no fraqueza sira ne’ebé mosu durante enkontru, hodi bele prepara-an di’ak liu ba jogu tinan oin.
Iha jogu ne rasik, hetan animasaun husi adeptus apoiadór sira ne’ebé marka prezensa iha kampo MJDEC.
(leo)
